🇹🇭Bangkok, Thailand Trip 行完Terminal 21，夜晚就去咗比較新嘅JODD Fairs邊行邊食 其實前身係拉差達火車夜市，疫情後改用新名字新面貌示人，改用白色簡約色調取代色彩繽紛嘅舊主題，夜市店舖多達600多間，除咗食物餐廳外，仲有好多衫店、飲品店，連美容店都有 最多人排隊嘅係有得坐嘅火山排骨店，呢款喺香港都食過，汁料酸酸甜甜幾開胃，嚟到呢度當然要再食😋 火山排骨有唔同份量，因應人數作出選擇，我哋四個人份量都好大盤，但見到有啲更加大盤都幾壯觀 🌋火山排骨 由一條條大排骨堆砌到好似一座火山咁，有泰式酸汁一齊食，排骨有啲肉質較腍有啲就較鞋口，沾住食味道酸酸，特色菜之一 🐠泰式炸魚 魚肉幾滑，開頭以為包住嘅米粉好普通，都有啲唔想食，但原來索咗魚油魚汁好惹味！覺得仲好食過啲魚，多一包米粉會更開心 🥭芒果糯米飯 ฿100 去旅行必食芒果糯米飯，夜市普遍฿100，機場要฿180，近排芒果唔知係咪唔當造，好多都唔甜，但地道嘢都要食，鐘意佢啲脆米 🍌香蕉斑戟฿80 都幾鐘意香蕉斑戟，泰國好多地方都有，仲有好多味道，可配朱古力醬、Nutella、阿華田等等 不過見住佢哋收錢同整嘢食都係嗰對手套，有少少不安😖 🥥椰青฿60-70 又係唔當造咁，唔太甜，不過清涼，夜市好多都係唔凍嘅，幸好近排泰國唔算太熱 🥥椰青水฿60-70 本身仲買咗杯裝椰青水，以為無添加，點知一飲甜到嘔，加咗好多後天甜味，完全唔係想飲嘅味道 🥥椰皇฿50 飲咗兩款不太好飲的椰子嘢，好唔滿足😕要再飲埋椰皇！甜過椰青嘅，開心返少少😂 🚩JODD Fairs @jodd_fairs 🚞MRT Phra Ram 9站行5分鐘 📍Rama IX Rd, Huai Khwang, Bangkok 10310 #foodie #hkfoodie #foodiehk #852foodie #hkfoodblogger #hkfoodstagram #hkfoodblog #hkkol #ufoodphoto #thaitravelling #travelling #thailandfood #thailand #bangkokfood #bangkok #thaifood #掃街 #夜市 #相機食先 #泰國美食 #泰國 #曼谷美食 #曼谷 #泰式料理 #泰式 #旅行 #泰國海鮮 #海鮮 #泰國夜市 #芒果糯米飯